Ylli i Kombëtares kuqezi, Jasir Asani në një intervistë për median e huaj “Cronache Di Spogliato” ka rrëfyer emocionet dhe disa detaje për të ardhmen e tij në futboll.
Gjatë intervistës Asani u shpreh gjithmonë është ndjerë shqiptar dhe ditën kur ka marrë telefonatën për t’iu bashkuar Shqipërisë ka shënuar 3 gola nga gëzimi.
“Mendoja se Shqipëria nuk do të më thërriste kurrë më, por ja ku jam në moshën 28 vjeçare, në Shqipërinë më të fortë se kurrë.
Silvinjo më ka ndryshuar jetën, më parë asnjë trajner i Kombëtares nuk kishte menduar për mua. Kam lindur në Shkup, kam marrë festë nga Kombëtarja maqedonase, por e kam refuzuar pasi jam ndjerë gjithmonë një shqiptar.
Më kujtohet ende telefonata e parë me trajnerin, më ka telefonuar përpara një ndeshje, isha aq I lumtur saqë shënova 3 gola atë ndeshje,” u shpreh Asani.
Më tej ai ka shtuar se ka marrë shumë oferta nga vende të ndryshme por ai në intervistë ka shprehur dashurinë e tij për Seria A ku ndoshta mund ta shohim në të ardhmen.
“Më kërkojnë në Gjermani, Itali, Arabi dhe Spanjë, në janar do të shkoj në një nga këto kampionatet.
Si çdo shqiptar jam i fiksuar pas Serisë A, çdo shqiptar përveç ekipit për të cilin bën tifo në Shqipëri ndjek edhe një skuadër të Serisë A,” shtoi ai.
