Dashi
Do jeni mjaft energjikë gjatë gjithë kësaj dite dhe do arrini të merrni çdo gjë që do dëshironi. Për ju të dashuruarit e sotmja do jetë e mbushur me aventura dhe me momente të jashtëzakonshme. Shfrytëzojeni sa më tepër që të mundeni dhe nuk keni për t’u zhgënjyer. Ju beqarët duhet ta lini më të lirë veten tuaj sepse vetëm ashtu do mund ta ndryshoni të ardhmen.
Demi
Gjatë kësaj dite jo vetëm që nuk do ketë të reja, por mund të bëni edhe disa gafa. Për ju të dashuruarit e sotmja ka për të qenë rutinë. Nuk do keni debate apo mosmarrëveshje me partnerin tuaj, por nga ana tjetër nuk do përjetoni dot emocionet që keni ëndërruar prej kohësh.
Binjakët
Nuk do ndiheni më të përhumbur si ditët e fundit sot dhe do keni dëshirë të bëni gjëra të reja. Ju të dashuruarit do jeni tej mase realistë dhe pasi t’i kuptoni gabimet që keni bërë ndaj partnerit do mundoheni të gjeni edhe mënyrën e duhur për të kërkuar falje. Pasditja dhe mbrëmja kanë për të qenë të jashtëzakonshme. Ju beqarët nuk duhet të bëni më gabimet e së shkuarës sepse do zhgënjeheni sërish.
Gaforrja
Edhe pse dita e sotme ka për të qenë e mirë, ju nuk duhet të krijoni iluzione të tepruara sot. Nëse keni një lidhje, jeta juaj sentimentale do jetë plotësisht e qetë dhe pa probleme. Nuk do keni asgjë për çfarë të ankoheni ndaj partnerit tuaj. Ju beqarët nga ana tjetër ka rrezik të jeni të paduruar dhe mund të bëni disa gabime të pafalshme në jetën tuaj.
Luani
Gjatë kësaj dite do jeni shumë pozitivë, të qetë dhe të kulturuar prandaj gjërat do ju ecin më së miri. Për ju të dashuruarit e sotmja do jetë mjaft romantike. Në çdo moment do dashuroheni pa dorashka me partnerin tuaj dhe do ja shprehni atij çdo gjë që do keni në zemër. Ju beqarët as nuk do doni të bëni ndryshime të statusit edhe pse mundësitë për të thënë të vërtetën do jenë të shkëlqyera.
Virgjëresha
Ditë goxha premtuese ka për të qene kjo e sotmja për ju. Në përgjithësi do ju ecë çdo gjë sipas parashikimeve. Ju që keni një lidhje më në fund do pajtoheni me partnerin tuaj dhe do ndiheni më të qetë. Më në fund do e kuptoni se me kokëfortësi dhe me inat nuk mund të arrihet asgjë. Ju beqarët nuk duhet t’i hidhni sytë tek persona që e kanë tashmë një lidhje sepse mund të lëndoheni pamasë.
Peshorja
Do keni imagjinatë shumë të zhvilluar gjatë kësaj dite dhe mund të bëni cdo gjë që do ju shkojë nëpër mend. Ju të dashuruarit do jeni shumë më të hapur me partnerin tuaj dhe marrëdhënia me të do fillojë dalëngadalë të përmirësohet mjaft. Do ndiheni plotësisht të qetë.
Akrepi
Ka mundësi që defekti juaj më i madh sot të jetë nxehja e shpejtë. Mundohuni të tregoheni më të vetëpërmbajtur. Për ju të dashuruarit e sotmja do jetë mjaft e favorshme për te rregulluar njëherë e mirë problemet që keni pasur me partnerin. Për shumë gjëra do reflektoni me më shumë kujdes dhe do kuptoni gabimet e mëdha.
Shigjetari
Gjatë kësaj dite do reflektoni më tepër dhe do mundoheni të mos përsëritni më gabimet e bëra më herët. Ju të dashuruarit do jeni më të përgjegjshëm dhe do bëni çdo gjë që t’i kërkoni falje atij që keni në krah. Marrëdhënia mes jush do ketë më tepër përmirësime edhe nga sa vetë keni menduar.
Bricjapi
Planetët, e sidomos Hëna dhe Neptuni, mund t’iu futin nëpër probleme sot. Intuita juaj nuk ka për të qenë shumë e mirë. Për ju të dashuruarit e sotmja do filloje me vrull e me debate të zjarrta. Të dy palët do jeni kokëfortë dhe për asgjë në bote nuk do hapni rrugë. Ju beqarët duhet t’iu besoni pak më shumë miqve që do iu prezantojnë me disa persona sepse ata ju duan vetëm të mirën.
Ujori
Gjatë kësaj dite do ndiheni shumë të lumtur dhe nuk do e fshihni aspak këtë ndjenjë. Për ju të dashuruarit e sotmja do jetë ditë e mbushur me momente të lumtura. Marrëdhënia në çift do intensifikohet akoma më tepër dhe shpesh do ndiheni si mbi re. Ju beqarët duhet të bëni pak më tepër përpjekje për ta gjetur dashurinë. Në punë do arrini të vendosni marrëdhënie të mira si me kolegët ashtu edhe me klientët tuaj.
Peshqit
Për fat të keq sot nuk do arrini dot të përshtateni me gjërat që do ju ndodhin sot dhe në disa momente mund të ndiheni keq. Për ju të dashuruarit ka mundësi që kjo e sotmja të jetë e turbullt. Do kujtoni disa detaje të trishta të së shkuarës dhe mund të keni sërish debate të forta. Ju beqarët do nxitoni të filloni një lidhje, por për fatin tuaj të mirë gjërat do ju ecin si duhet.
