Debati për reformën zgjedhore vazhdon. Opozita është futur në një kurs të ri përplasje me qeverinë për këtë komision, pasi PS nuk pranon që të zëvendësohet Enkelejd Alibeaj me Oerd Bylykbashin.
Por sot kishte një kërkesë të re kreu i PDBNJ-së, Vangjel Dule. Në një konferencë për mediat pasi denoncoi Censusin, regjistrimin e popullsisë, Dule kërkoi vende të sigurta për minoritetin grek te komisioni që do të adresojë problemet e zgjedhjeve.
“Jemi në fazat përfundimtare nëse do të ndodhë të reformës zgjedhore. Duhet edhe në vendin tonë të përcaktohen vende te paracaktuara për pakicat kombëtare për të garantuar përfaqësimin e tyre. Jemi vendi i vetëm në Ballkanin Perëndimor që nuk aplikojmë një praktikë të tillë” tha Dule.
