Pas arrestimit të dhëndrit Jamarbër Malltezi, Gjykata e Posaçme ka caktuar masën e sigurisë “Detyrim paraqitje” dhe “ndalim dalje jashtë shtetit” për Sali Berishën. Por çfarë thuhet në dosjen që SPAK-u arrestoi dhëndrin e Berishës?
Taulant Balla e ka paditur në vitin 2020, ish-kryeministrin Sali Berisha, ish-ministrin të Mbrojtjes Arben Imami, anëtarë të tjerë të qeverisë së drejtuar nga Berisha, Jamarbër Malltezi dhëndrin e Berishës, i cili është përfitues direkt i një pjesë të pronës të kompleksit “Partizani” si dhe drejtues të shtabit të ushtrisë shqiptare bashkë me administratorët dhe aksionerët e dy kompanive ndërtuese në atë kompleks.
Dhëndri i ish-kryeministrit Berisha po hetohet për privatizimin e ish klubit sportiv “Partizani”. Konkretisht, bëhet fjalë për një pronë me rreth 10 000 m2, në qendër të Tiranës, e cila në vitin 2008 është privatizuar me një vlerë prej 100 000 dollarë. Klubi sportiv “Partizani” ishte në pronësi të Ministrisë së Mbrojtjes, ndërsa sot mbi të janë ngritur 17 kulla.
Pas dhëndrit të Berishës arrestohet ndërtuesi i kompleksit “Partizani”
