Mbrëmjen e sotme është regjistruar një plagosje me thikë në afërsi të vendit të quajtur “Zogu i Zi” në Fier.
Mësohet se i plagosur ka mbetur një 16 vjeçar. Ngjarja është regjistruar rreth orës 19:30.
Sipas burimeve paraprake të informacionit 16-vjeçar është dërguar me urgjencë në spitalin rajonal Fier ku bluzat e bardha po i japin mjekimin dhe është jashtë rrezikut për jetën.
Ende nuk dihet shkaku dhe autori i ngjarjes ndërsa policia ka ngritur postblloqe. Policia po vijon punën për zbardhjen e ngjarjes si dhe kapjen e autorit ose autorëve.
