Ish-kryeministri Sali Berisha ka paditur në SPAK gjyqtaren Irena Gjoka për shpërdorim detyre për dosjen “Partizani” dhe kërkoi përjashtimin e saj nga procesi që është hapur kundër tij dhe familjes së tij.
Në seancën gjyqësore pasditen e sotme, njëri nga avokatët e zotit Berisha, Genc Gjokutaj deklaroi se gjyqtarja Irena Gjoka i njohu tagrin e përfaqësimit të ish-kryeministrit në këtë proces.
“Nga zoti Berisha është bërë kallëzim në SPAK ndaj gjyqtares së çështjes për shpërdorim detyre. Vendimi është në shkelje të Kushtetutës prandaj kemi kërkuar përjashtimin e gjyqtares Irena Gjoka. Gjykimi është ndërprerë për t’u shqyrtuar kjo kërkesë. Po presim vendimin e shqyrtimit të kërkesës për përjashtimin e saj.
Ne nuk vijmë këtu që të na jepet tre orë për të lexuar 20 mijë faqe. Jemi për një proces të rregullt dhe mbrojtje efektive. Do të presim njëherë vendimin e gjykatës. Berisha ka na autorizuar dhe gjykata e pranoi që të vazhdojë mbrojtja” tha Gjokutaj.
Sali Berisha refuzon që të paraqitet në seancën gjyqësore për t’u njohur me dy masat e sigurisë detyrim paraqitje dhe bllokimin e lëvizjes jashtë vendit me argumentin se procedura nuk ka kaluar përmes kuvendit që t’i hiqet imuniteti.
