Gjykata e Posaçme i ka caktuar një avokat të paguar nga shteti Sali Berishës. Përballë faktit që ish-kryeministri refuzoi që të shkonte vetë dhe largimit të dy avokatëve që kishte pajisur me prokuroë, Genc Gjokutaj dhe Sokol Mëngjesi, gjyqtarja Irena Gjoka përdori edhe kartën e avokatit falas.
Artan Simoni është në mesin e avokatëve kryesisht që thirren nga gjykata kur palët nuk paraqiten dhe që në këtë rast do të përfaqësojë Sali Berishën. Seanca aktualisht po vijon në Gjykatën e Posaçme duke u kthyer në një lojë procedure dhe shahu mes palëve.
Sali Berisha kundërshton që të shkojë në gjykatë pasi më parë kërkon që t’i merret leje kuvendit për heqjen e imunitetit të tij, por Irena Gjoka që është gjyqtarja e dosjes së privatizimit të kompleksit “Partizani” e justifikon shmangien e këtij skenari me argumentin se ish-kryeministrit nuk po i hiqet liria, por po i kufizohet me masat detyrim paraqitje dhe bllokim i largimit jashtë vendit.
Avokatët e Berishës: Të flasë Kushtetuesja! Gjykata e Posaçme refuzon
