Pas dhunës së regjistruar ditën e sotme në fushën e gjelbër gjatë përballjes mes Shënkollit dhe Sopotit ka ardhur edhe reagimi i policisë.
Mësohet se kapiteni i Shënkollit, Bledar Pjeter Zefi është arrestuar pasi gjatë zhvillimit të ndeshjes ka goditur me grusht arbitrin e ndeshjes, Abdurraman Kadriu.
Fatmirësisht Kadriu ndodhet jashtë jashtë rrezikut për jetën dhe po merr trajtim në spitalin rajonal të Lezhës.
Kapiteni i Shënkollit nuk përmbahet, bën për spital arbitrin e ndeshjes
Ndaj kapitenit të Shënkollit rëndojnë akuzat për veprën penale “Goditje për shkak të detyrës”.
Materialet u referuan në Prokurorinë pranë Gjykatës se Shkallës së Parë të Juridiksionit të Përgjithshëm Lezhë.
Zefi goditi arbitrin pasi ai akordoi një penallti në favor të Sopotit në minutën e 85 ndërsa përballja ishte me rezultatin 1-1.
Kjo ka acaruar futbollistin dhe ka goditur arbitrin.
