Futbollisti shqiptar që luan në Gjermani Mërgim Berisha është kthyer në qendër të vëmendjes kohët e fundit për shkak të deklaratës së ish-të fejuarës së tij Vesa Vllasaliut.
Vesa u shpreh në një intervistë se shkaku i ndarjes së tyre ishte ish-shoqja e saj e ngushtë Edona, me të cilën Berisha tani është i martuar.
E ftuar në “Fol Shqip Shoë”, Edona i ka mohuar deklaratat e Vesës dhe ka theksuar se mes tyre nuk ka pasur një miqësi por vetëm njohje se janë të dyja nga qytetit i Gjilanit.
“Unë nuk e konsideroj shoqe të ngushtë dikë që e kam parë dy-tri herë, ne njihemi se jemi të dyja të Gjilanit, është e pamundur të mos njihemi, Kosova nuk është e madhe, shoqja e imja e vërtetë është dikush që të përkrah në çdo situatë të jetës, që e njeh me vite, që e njeh me familje, ajo nuk ka qenë e tillë, jo ajo nuk është shoqe e imja e ngushtë, ne jemi parë vetë dy-tri herë, ne jemi njohur në një klub, por nuk më kujtohet saktë se si jemi njohur,” tha Edona.
“Unë dhe Mërgimi njihemi para se të njihja Vesën, ne njihemi që kur ishim 17-vjeç, por prej atëherë nuk kemi patur kontakt, unë nuk isha e informuar se ata janë ndarë, isha me shoqe në Turqi dhe unë e kisha postuar foto në whatsapp, ai e ka parë dhe më ka shkruar, unë nuk e dija që ata ishin të ndarë, ai më tregoi që nuk janë më bashkë,” tha ajo.
@clozaedits Flet ish shoqja e Vesa Vllasaliut #vesavllasaliu #mergimberisha
