Një aksident me pasojë me vdekje e një 72-vjeçareje është regjistruar në Shkodër paraditen e sotme rreth orës 10:30.
Mësohet se një 53-vjeçare që po udhëtonte me makinë ka përplasur viktimën, e cila lëvizte me biçikletë, ku kjo e fundit më pas ka humbur jetën si pasojë e plagëve të marra.
72-vjeçarja me inicialet M. Ç., është dërguar menjëherë në spital, por nuk ka mbijetuar dot.
Ndërkohë, policia ka arrestuar drejtuesen e mjetit, 53-vjeçaren me inicialet A. R.
Materialet procedurale i kaluan Prokurorisë pranë Gjykatës së Shkodrës, për veprime të mëtejshme.
