Manchester City vazhdon të shijojë epokën e Pep Guardiolës.
“Tiki taka” tashmë është pjesë e së kaluarës dhe për ish-trajnerin e Barcelonës dhe Bayernit, pasi tek City kanë dalë në pah inspirime të tjera.
Sezonin e kaluar tekniku Spanjoll solli në ekip një golashënues si Erling Haaland, i cili theu rekorde, fitoj “tripletën” dhe i shkoj shumë afër “Topit të Artë” duke u renditur i dyti.
Tashmë skenën tek “Qytetarët” por dhe në Angli po e rrëmben një tjetër talent, Jeremy Doku.
Ish-lojtari i Rennes, i cili nënshkroi këtë verë me Manchester City-n, për 60 milion euro po i mahnit të gjithë.
Vetëm 21 vjeç dhe ka arritur të marri në dorë sulmin e “qytetarëve”. Driblimi dhe ndryshimi i tij i lojës kanë rënë si një “elektroshok” në Premier Ligë.
Anësori Belg, shpalosi vetëm një pjesë të potencialit të tij këtë fundjavë përball Bournemouth, në fitoren 6-1 të skuadrës së Guardiolës.
Një sfidë në të cilën Doku, dhuroj plotë 4 asistime dhe shënoj 1 gol. Statistika të mjaftueshme që anësori të vendoste rekordin më të ri në Premier Ligë.
Kjo pasi askush më parë nuk kishte arritur këto shifra në një moshë kaq të re.
Guardiola ka marr një tjetër talent të futbollit në duart e tij.
