Tuneli i Murrizit nuk do të jetë gati as këtë vit. Në fakt duhet të ishte në vitin 2022, por që është shtyrë herë pas here dhe tashmë kemi një tjetër shtyrje.
Ministria e Infrastrukturës me argumentin dhe pretendimin e kompleksitetit të punimeve për shkak të gjeologjisë e ka shtyrë afatin për përfundimin e tunelit në vitin 2025.
Kjo do të thotë se Rruga e Arbrit ende nuk do të jetë plotësisht funksionale dhe do të vazhdojë që të marrë fonde nga buxheti i shtetit.
Për vitin që vjen për koncesionin e Rrugës së Arbit janë parashikuar pagesa në vlerën 3.5 miliardë lekë. Në total vlera e këtij investimi është 40.3 miliardë lekë.
