Zëdhënësja për Anti-Korrupsionin në selinë blu, Genta Vangjeli ka vendosur në shënjestër kryetaren e Kuvendit, Lindita Nikolla. Ajo denoncoi se në 10 muajt e këtij viti, Lindita Nikolla dhe firma e saj u “ka kushtuar taksapaguesve shqiptarë 12.8 miliardë lekë ose mbi 12 milionë euro”.
Pjesa më e madhe, sipas Vangjelit janë për “udhëtime, dieta, pritje e përcjellje, vetëm për 10 muaj të këtij viti, do të konvertohej në pagesa pensioni, 64 mijë pensionistë do të përfitonin 200 euro pension në muaj”.
Partia Demokratike, thotë zyrtarja e selisë blu nuk propozon mospagimin e punonjësve të Kuvendit, “por nuk i përligj shpenzimet për arredime zyrash, pritje e përcjellje, udhëtime luksi të kryeparlamentares nëpër botë bashkë me ekipin e saj”.
Lindita Nikolla ka firmosur për vitin 2023 këto shpenzime sipas denoncimit të PD:
– Paga për punonjës të miratuar në organikë dhe punonjës me kontratë për kohë të kufizuar: 7.5 miliardë lekë
– Kompensime për anëtarët e parlamentit dhe zyrtarë të tjerë të zgjedhur: 1.6 miliard lekë
– Shpenzime për mbështetje financiare të menjëhershme të punonjësve për zbutjen e impaktit të krizës: 26 milion lekë
– Shpenzime për ekzekutim te vendimeve gjyqësore për largim të padrejtë nga puna: 63 milionë
– Shpenzime për honorare: 47 milion
– Shpenzime për pritje dhe përcjellje: 80 milion lekë
– Udhëtime të brendshme (ku përfshihen kompensime shpenzimesh për deputetë dhe dieta stafi): 520 milionë lekë
– Udhëtime jashtë vendit: 522 milion lekë
– Karburant dhe vaj: 78 milionë lekë
– Të tjera shpenzime operative dhe tendera ku sigurisht nuk mungojnë qokat milionëshe për kompani të lidhura me baxhanakun e Kryeministrit Rama.
