Mëngjesin e kësaj të diele kryeministri Edi Rama në një postim në mediat sociale ka njoftuar për rritjen e pagave për të gjithë punonjësit e infermierisë.
Ky njoftim është premtuar për gjatë gjithë vitit ku disa kategori do të përfitonin rritje page dhe një ndër to ishte sektori i infermierisë. Sipas njoftimit të kryeministrit pagat do të pësojnë rritje me vlerën e 15 000 lekëve.
Nga ky vendim do të përfitojnë 14 207 infermierë në të gjithë vendin. Në buxhetin e 2024 do të ketë lajme të mira jo vetëm për infermierët por edhe për punonjësit në sektorin e arsimit, rendit etj.,
Ky lajm u bë i ditur para pak ditësh ku u njoftua se për mësuesit dhe për oficerët do të kishte një rritje të konsiderueshme page.