Një 40 vjeçar është arrestuar natën e mbrëmshme në Tiranë ndërkohë që qarkullonte me makinë pa patentë dhe me armë zjarri me vete.
Nga ajo që raportohet 40 vjeçari, Arben Koçi ishte duke drejtuar makinën i pa pajisur me patentë, gjithashtu në momentin e kërkimit të lejes së drejtimit nga policia ai ka paraqitur patentën e një shtetasi tjetër.
Nga kontrolli i makinës së Arben Koçit u gjet dhe një armë zjarri e tipit pistoletë, gjithashtu në makinë ishin dhe krehërët së bashku me fishekët e armës e cila rezulton pa leje mbajtjeje.
Si pistoleta ashtu dhe makina në fund u sekuestruan në cilësinë e provave materiale.
Arben Koçi banues në Fushë Krujë u vu në pranga në fund nga policia, për veprat penale “Mbajtja pa leje dhe prodhimi i armëve,armëve shpërthyese dhe i municionit” dhe “Drejtimi i automjeteve në mënyrë të parregullt”.
