Një ditë pasi kryetari i KQZ-së, Ilirjan Celibashi e shpëtoi nga shkarkimi pavarësisht se nuk kishte treguar dënimin dhe dëbimin nga Greqia disa vite më parë, sot kryetari i bashkisë së Kuçovës Kreshnik Hajdari ka shkuar në Prokurorinë e Posaçme.
Hajdari është paraqitur në SPAK i shoqëruar edhe nga avokati Theodhori Sollaku. Zyrtarisht ende nuk dihet arsyeja dhe në çfarë rrethanash është thirrur, por ajo që dimë është që muajt e fundit, para dhe pas zgjedhjeve të 14 Majit, ish-rivali i tij, Lefter Maliqi i ka depozituar disa kallëzime penale për ndërhyrje në procesin gjyqësor.
