Kombëtarja shqiptare zhvilloi pasditen e djeshme seancën e radhës dhe të fundit stërvitore në kuadër të përgatitjeve për ndeshjet kualifikuese të “EURO 2024” kundër Moldavisë më 17 nëntor në transfertë. Ndryshe nga ditët e tjera, dje 24 lojtarët e thirrur nga trajneri Silvinjo u stërvitën në stadiumin ‘Air Albania’.
E gjithë skuadra, sipas FSHF-së gëzon shëndet të plotë dhe është në formë mjaft të mirë fizike në prag të ndeshjes së parë ndaj Moldavisë. Skuadra mori ngarkesë të plotë fizike, ndërsa stërvitja e ditës së djeshme u fokusua më shumë te loja me top.
Kombëtarja shqiptare sot u nis drejt Moldavisë, me përballjen që do të luhet më 17 nëntor. Në 20 nëntor, Shqipëria do të presë përfaqësuesen e Ishujve Faroe në stadiumin “Air Albania”. Na duhet vetëm një pikë në dy ndeshjet e fundit për të siguruar kualifikimin në “EURO 2024”.
