Grumbullimi i Kombëtares shqiptare për miqësoret ndaj Izraelit dhe Luksemburgut ka nisur, por pa praninë e mbrojtësit Ardian Ismajli.
Futbollisti ishte bashkuar fillimisht me skuadrën, megjithatë pas kontrollit të stafit mjekësor u vlerësua se ai nuk ishte në gjendje optimale fizike për të përballuar ndeshjet e ardhshme.
Ismajli vjen pas një periudhe rikuperimi nga një problem muskulor dhe kishte luajtur vetëm në fund të sezonit, çka ka ndikuar në gatishmërinë e tij për këtë grumbullim.
Pas diskutimeve mes stafit teknik dhe lojtarit, u vendos që ai të mos qëndrojë me ekipin, por të kthehet te klubi për të vijuar trajtimin dhe përgatitjen fizike deri në rikthimin e plotë në formë.
