Është miratuar rezoluta e parë për armëpushim nga Këshilli i Sigurimit i Kombeve të Bashkuara, që nga shpërthimi i luftës Izrael-Hamas.
Në këtë rezolutë, Këshilli i Sigurimit bën thirrje për “pauza urgjente dhe të zgjatura humanitare” në Gaza, si edhe për “lirimin e menjëhershëm dhe pa kushte të të gjithë pengjeve të mbajtura nga Hamasi dhe grupet e tjera”.
Votimi në këshillin prej 15 anëtarësh ishte 12-0, ndërsa Shtetet e Bashkuara, Mbretëria e Bashkuar dhe Rusia abstenuan. SHBA-të dhe Britania e Madhe abstenuan për shkak të dështimit të rezolutës për të dënuar sulmin e përgjakshëm të Hamasit ndaj Izraelit më 7 tetor. Rusia abstenoi për shkak të dështimit të rezolutës për të kërkuar një armëpushim humanitar, të cilin Izraeli dhe Shtetet e Bashkuara e kundërshtojnë.
Izraeli hodhi poshtë rezolutën e Këshillit të Sigurimit të OKB- së. Ministria e Jashtme e Izraelit lëshoi një deklaratë duke thënë se nuk ka vend për masa të tilla për sa kohë që pengjet mbahen në duart e Hamasit. Një tjetër arsye ishte mos përmendja e sulmit të Hamasit ndaj Izraelit më 7 tetor.
Pas sulmit të Hamasit të 7 tetorit , ku u vranë 1200 njerëz dhe u morën pengjet, Izraeli filloj sulmin ndaj Gaza. Sipas Ministrisë së Shëndetësisë e drejtuar nga Hamasi, pesë ditë më parë, të paktën 11,000 njerëz në Gaza janë vrarë që nga 7 tetori.
