Dëshmitari i drejtësisë, Avdyl Rama nuk është gjetur. Prokuroria dhe policia e kanë kërkuar por nuk e kanë gjetur duke mos arritur që të shkojnë në gjurmët e tij.
Për këtë arsye, seanca e sotme e gjyqit që po zhvillohet në themel për Fredi Belerin është shtyrë për në datë 5 Dhjetor, orë 15:00. Prokuroria thotë se Rama është jashtë Shqipëri.
Gjykata ka kërkuar që policia të gjejë Avdyl Ramën nëse ndodhet brenda vendit dhe ta sjellë me forcë në seancë nëse nuk pranon të vijë vullnetarisht.
Ai është vëllai i Arsen Ramës, personit që bashkëpunoi me prokurorinë duke kryer veprime të simuluara me Belerin dhe Pandeli Kokaveshin.
Kreu i zgjedhur i bashkisë Himarë ndodhet në qeli që prej 12 Majit për blerje votash.
Të dashurës së dëshmitarit i gërvishtën makinën, Beleri: Unë s’kam “gisht”
