Policia gjermane ka kontrolluar këtë të enjte apartamentet e anëtarve të Hamasit në Gjermani.
Shërbimi i zbulimit gjerman vlerëson se Hamasi ka rreth 450 anëtarë në vend. Aktivitetet e tyre kalojnë nga shprehja e simpatisë dhe aktivitetet propagandistike deri tek aktivitetet financuese dhe mbledhja e fondeve për të forcuar organizatën jashtë vendit.
Bastisjet, të cilat kryesisht u zhvilluan në Berlin, kishin për qëllim të zbatonin ndalesat dhe të hetonin më tej grupet e tilla, tha në një deklaratë ministria e brendshme gjermane.
Gjithsej 16 prona u kontrolluan nga 500 oficerë policorë në Berlin dhe në shtetet e Saksonisë së Poshtme, Rajn-Vestfalia Veriore dhe Shlesvig-Holshtajn.
