Zbardhen detaje të reja nga përgjimet që sollën francezët nga “Sky Ecc” ku zbuluan një grup kriminal shqiptar që drejtohej nga Ervin Mata, pjesë e së cilit ishte edhe djali i Erzen Breçanit. Në vitin 2020, Matës i zbulohet një ngarkesë me kokainë në Gjermani. 250 kg në total.
“Ervin Mata dyshohet sipas SPAK që ka organizuar trafikimin e 250 kg kokainë nga Brazili në drejtim të Frankfurtit, Gjermani. Lidhur me këtë episod, evidentohet një bisedë më 29 Shtator 2020 ku ai flet me një shtetas dhe i thotë “vlla unë e shes me 35, Ramazani ma ka paguar 34.
Ata mund ta duan dhe për Belgjikë, po unë shes me 35.Tashi ç’a të them unë, ok, ishalla i ka në Shqipëri, do ta ul dhe një pikë, prit të dali malli se është në avion. Do dhe 2 orë. Vlla mos më shkruaj se s’di ku kam kokën, m’u kapën 244 copë” i thotë, Mata, që është i dashuri i këngëtares, Elvana Gjata, pasi i është zbuluar droga.
