Bie pretendimi për konflikt interesi. Gjyqtarja Miliana Muça paraditen e sotme mori në shqyrtim dhe rrëzoi kërkesën e Prokurorisë së Posaçme (SPAK) për përjashtimin e gjyqtares Iliriana Olldashi nga shqyrtimi i kërkesës për sekuestron e pasurive të Jamarbër Malltezi, dhëndrit të ish kryeministrit Sali Berisha.
Kjo gjyqtare e liroi Malltezin nga qelia në arrest shtëpie. SPAK kërkoi përjashtimin nga procesi për shkak të shkrimeve në media që ngritën pretendimin e konfliktit të interesit pasi Olldashi rezulton se ka blerë një apartament në kompleksin “Partizani” për të cilin është akuzuar Jamarbër Malltezi dhe Sali Berisha.
Por gjykata i rrëzoi pretendimet dhe tashmë ashtu si për Malltezin edhe për 25 pronat e tij do të shprehet gjyqtarja Iliriana Olldashi.
