Vrasja e rëndë e ushtarit të UÇK-së sjell disa të reja të tjera. Për ngjarjen e rëndë ka folur vajza e viktimës
“Unë dhe nëna ime u zgjuam nga të shtënat e armëve, të cilat u ndalën fillimisht për disa momente dhe pastaj filluan sërish. Kur unë dhe nëna ime shkuam të shohim babanë ku flinte në shtratin e tij, ai kishte vdekur”, thotë 23-vjeçarja për gazetën franceze “Le Figaro”,
Pra sipas deklaratës së vajzës bëhet me dije që 55-vjeçari është vrarë në gjumë.
“Rreth orës 12:30, disa personat që udhëtonin me një automjet kanë qëlluar me armë zjarri në drejtim të ndërtesave dhe “nga një prej të shtënave ka mbetur i plagosur për vdekje një 55-vjeçar, i cili ndodhej në banesën e tij ”, thotë prokurori i Dijonit. Viktima e shpallur i vdekur në orën 12:50 të mëngjesit, ndodhej në banesën e tij në katin e parë me gruan dhe vajzën e tij, thotë një burim policor. Të shtënat kanë ndodhur në rrethin e Stalingradit dhe dy persona janë në arrati, sipas të njëjtit burim”, shkruhet më tej në gazetën franceze.
