Një i moshuar është gjetur paraditen e sotme i vdekur në Vlorë. Policia bën me dije se rreth orës 11:30, në lagjen Kushtrim është gjetur në rrugë pa shenja jete një 76-vjeçar. Nga të dhënat paraprake dyshohet se i moshuari ka ndërruar jetë për shkaqe natyrale.
“Sot, rreth orës 11:30, në lagjen Kushtrim, është gjetur në rrugë, pa shenja jete shtetasi A. A., 76 vjeç, i cili nga të dhënat e para dyshohet se ka ndërruar jetë për shkaqe natyrale.
Nga kqyrja paraprake e trupit të tij, nuk janë konstatuar shenja dhune apo dëmtime të tjera. Grupi hetimor ndodhet në vendngjarje dhe po punon për sqarimin e rrethanave të ngjarjes,” njofton policia.
