Një argjendari në Kamëz është grabitur pasditen e sotme rreth orës 17:15 në rrugën “Nënë Tereza”.
Nga sa raportohet tre persona të maskuar kanë kërcënuar me armë zjarri punonjësit e argjendarisë.
Ata ka vjedhur disa bizhuteri floriri nga argjendaria e pronares E.S., të cilat ndodheshin mbi tavolinë dhe janë larguar menjëherë me një makinë të tipit “BMW”.
Grupi hetimor ka sekuestruar kamerat e sigurisë për të zbardhur detaje lidhur me identitetin e grabitësve.
Ndërkohë janë ngritur pikat e përkohshme të kontrollit në qarqet Tiranë, Durrës, Lezhë, Kukës dhe Shkodër.
Bëhet me dije se hajdutët nuk kanë arritur të marrin para, por vetëm bizhuteri floriri.
