Një fermë e madhe e prodhimit të kanabisit me vlerë gati 500.000 £, është zbuluar dhe shkatërruar nga policia angleze në Leeds. Në pranga kanë përfunduar 6 shqiptar si të dyshuar, për momentin ata janë lënë në paraburgim.
Siç raportojnë mediat britanike, autorët kishin kthyer një shtëpi për të moshuar (azil), në një fabrikë të prodhimit dhe kultivimit të kanabisit, vlera e të cilës arrin deri në 500.000£.
Në fakt policia ka raportuar se kur shtëpia është gjetur dhe kontrolluar ishte e braktisur por hetimet dhe monitorimet kanë çuar në kapjen e 6 shqiptarëve.
Ata janë Alitor Deda, 30 vjeç, Erijon Gjoka, 21 vjeç, Edison Markeci, 21 vjeç, Agostin Marku, 36 vjeç, Ali Qerfozi, 41 vjeç dhe Andi Teta, 32 vjeç, të gjithë nga Moorfield House.
Ata u paraqitën në Gjykatën e Magjistraturës së Leeds të martën dhe u dërguan në paraburgim për t’u paraqitur në Gjykatën e Kurorës së Leeds më 5 janar.
