Opozita nuk dorëzohet nga beteja për të shkarkuar nga detyra kryetarin e bashkisë Kuçovë, Kreshnik Hajdari. Pak ditë më parë Ilirjan Celibashi e shpëtoi nga shkarkimi pavarësisht se nuk kishte deklaruar në formular një dënim shumë vite më parë në Greqi.
19 deputetë të opozitës i kërkojnë Komisionit të Ankimimeve dhe Sanksioneve në Komisionin Qendror të Zgjedhjeve rrëzimin e vendimit të KQZ-së kundër nismës së koalicionit opozitar “Bashkë Fitojmë” për heqjen e mandatit të kryebashkiakut, pasi sipas tyre Hajdari fshehu një dënim të viteve më parë nga drejtësia greke.
Ndërkohë që KQZ e shpëtoi, SPAK po e heton për falsifikim Hajdarin që nuk e deklaroi dënimin.
