Kaos, tym, flakë dhe mbi 20 qytetarë që janë dërguar në spital. Kjo është panorama nga Lushnja. “5Pyetjet.al” sjell pamjet nga situata pas përfshirjes nga flakët të qendrës tregtare brenda së cilës ndodheshin shumë persona.
Një pjesë dolën, të tjerë u kacavirrën nga dritaret duke zbritur. Një nënë që sapo doli kërkonte djalin, por personeli i spitalit e mori në barelë për t’i dhënë ndihmën e parë.
Zjarrfikësja ndërhyri me pak vonesë për shkak se nuk kishte shkallë të gjata. Një grup zjarrfikësish me 2 automjete janë nisur nga Tirana për në Lushnje për t’i ardhur në ndihmë kolegëve të tyre.
