Merkatoja e janarit shpesh rezulton një mundësi e artë për shumë klube për tu “riparuar” me blerje të cilat mund të ndihmojnë në përmbushjen e objektivave. Por shpesh herë pjesa më “pikante” e merkatos janë të ashtuquajturit “parametrat zero”, të cilët janë realisht të shumtë dhe rriten nga viti në vit, sidomos kur transferimi i tyre mund të firmoset dhe para skadimit të kontratës.
Kylian Mbappé – Dëshira e çdo klubi, i arritshëm vetëm nga pak. Nëse ai do të largohej nga Paris Saint-Germain, ka dy klube të gatshëm të bëjnë çdo gjë të çmendur për të, Liverpool dhe Real Madrid, edhe nëse spanjollët janë tërhequr jozyrtarisht nga gara.
Tiago Djalò – Ai u largua nga Milani si një “dështim”, sot është një nga mbrojtësit më të kërkuar në treg dhe mund të kthehet në Itali nga dera kryesore, duke e lejuar Interin dhe Juventusin të garojnë për lojtarin që u transferua në Lille në vitin 2019 si pjesë e operacionit që solli Rafael Leaon në fanellën e kuqezinjve.
Wissam Ben Yedder – Në golashënues, tetë gola në 16 paraqitje në ligë me Monacon që po kalon një sezon vërtet të shkëlqyer dhe është i treti në tabelë. Drejtuesit do të donin ta mbanin, por jo me çdo çmim, edhe sepse gjatë verës investuan shumë te Folarin Balogun dhe sepse në skuadër janë Boadu dhe Embolo, aktualisht të dëmtuar, por ende të vlefshëm.
Keylor Navas – Në moshën 37-vjeçare, pasi ka fituar gjithçka, ai e gjen veten duke vepruar si portieri i dytë/i tretë i Paris Saint-Germain.
