Një grua britanike dhe djali i saj 22-vjeçar kanë humbur jetën nga një ortek teksa po bënin ski në Francë.
Nëna, 54 vjeçe dhe djali i saj, emrat e të cilëve nuk janë bërë të ditur ende, kishin qenë duke bërë ski jashtë pistes pranë kufirit zviceran ku gjetën vdekjen tragjike nga një ortek rreth orës 14:30, raporton BBC.
Të ndjerit ishin pjesë e një grupi prej pesë personash nga e njëjta familje me një guidë që e njihnin prej vitesh.
Mediat lokale thonë se ata nuk mbanin pajisje të përdorura për të gjetur të mbijetuarit.
Orteku filloi pranë vendpushimit Saint-Gervais në një lartësi prej rreth 2,300 metrash dhe mbulou rreth 400 metra, thanë autoritetet lokale. “Mund të jetë shkaktuar nga një grup tjetër skiatorësh në një lartësi më të madhe” shtuan ata.
Dy viktimat u gjetën pas rreth pesë orësh kërkimi ku u përfshinë 20 persona dhe dy helikopterë.
Ata u gjetën “të varrosur dhe të vdekur”, shtoi zonja Bouisset.
Udhërrëfyesi që shoqëronte familjen thuhet se kishte veshur një fener orteku, por asnjë nga familja nuk ishte. Pajisjet përdoren për të gjetur të mbijetuarit e varrosur nga ortekët.
