Vitin që po mbyllet e ka dominuar kronika e zezë. Dhunë dhe plumba. Por cilat janë ngjarjet më të bujshme? Për këtë zhvilluam një bisedë në “Skype” me profesorin e kriminalistikës, Ervin Karamuço. Ai tha se 2023-shi po mbyllet me 45 vrasje.
“Kemi pasur një vit me statistika pak më të larta se viti i kaluar. Flasim për 45 vrasja, 2 persona të zhdukur në Sarandë. Është një shifër alarmante. Nga 45 vrasje, 1/3 janë femra, ka filluar feminicidi.
Ngjarjet kryesore janë ato që kryhen me armë zjarri, që janë pjesë e aktiviteteve kriminale, si në Don Bosko, që mund të kishte përfunduar me shumë viktima, por edhe ajo ishte e pafajshme, një grua.
Kemi edhe ngjarjen e Top Channel-it që nuk është zbardhur. Kemi ngjarje në dy tre vrasje në vrasje në atentate që u bënë të zakonshme në aksin nga Fushë Kruja në Lezhë, vrasjen e biznesmenit në Shëngjin. Vrasje të adoleshentëve që sapo dalin nga shkolla” tha Ervin Karamuço për “5Pyetjet.al”.
