Një makinë me tre persona në bord përfundoi në ujë në liqenin e Comos, Itali. Një 56-vjeçare ka ndërruar jetë, ndërsa dy burra janë transportuar në spital në gjendje të rëndë. Aksidenti ndodhi pak pas orës 16:00.
Nuk dihet ende dinamika e aksidentit. Hipoteza është ajo e një manovre të gabuar. E sigurt është se makina ka fluturuar nga rruga në një argjinaturë për rreth 40 metra, duke përfunduar në ujë.
Një zjarrfikës që i përkiste njësisë së zhytjes në Milano, i cili ishte jashtë detyrës, ishte dëshmitar i asaj që ndodhi dhe u fut menjëherë në ujërat e ngrira për të shpëtuar pasagjerët e makinës.
