Një tërmet i fuqishëm ka ndodhur në Japoni ku për pasojë kanë humbur jetën deri më tani 48 persona. Në lidhje me tërmetin ka reaguar ministri i Jashtëm i Shqipërisë, Igli Hasani.
Nëpërmjet një shkrimi në rrjetin social “X” ai ka shprehur ngushëllimin për humbjen e jetëve dhe gjithë situatën e shkaktuar.
“I pikëlluar thellësisht nga humbjet e jetëve dhe dëmet e shkaktuara nga tërmetet në bregun perëndimor të Japonisë. Në këto momente të vështira, mendimet dhe lutjet tona janë me popullin dhe qeverinë japoneze. Ngushëllime të përzemërta familjeve që humbën më të dashurit e tyre,” ëshrë shprehur ministri në reagimin e tij.