Një aksident është regjistruar ditën e sotme në aksin rrugor “Korçë-Bilisht”, pranë fshatit Bitinckë, ku mësohet se automjeti tip “Isuzi” me drejtues me inicialet Sh. L., ka përplasur motomjetin me drejtues 64-vjeçarin me inicialet A. H.
Për pasojë mësohet se ka marrë dëmtime ky i fundit dhe bashkëshortja e tij, 59-vjçarja me inicialet D. H., pasagjere në motomjet, të cilët po transportohen për mjekim në spitalin e Korçës.
Drejtuesi i automjetit u shoqërua për veprime të mëtejshme procedurale.
Grupi hetimor po punon për zbardhjen e rrethanave të aksidentit.
