Partia e ekstremit të djathtë të Le Pen kërkon të rrëzojë qeverinë Macron në Francë me ndihmën e Moskës dhe Vladimir Putinit, sipas asaj që shkruan “Washington Post”.
Sipas hetimit të gazetës amerikane “Washington Post”, Rusia po kryen një operacion për përmbysjen e situatës politike në Francë, në të cilin thuhet se luan një rol të rëndësishëm partia e ekstremit të djathtë të Marine Le Pen.
Gazeta citon “dokumentet e Kremlinit të marra nga një agjenci evropiane e sigurisë” që implikojnë rrethin e Vladimir Putinit, metodat e të cilit, sipas të njëjtit burim, kombinojnë ndikimin e mediave sociale – të udhëhequra nga “trollet” dhe mbështetjen e partive të ekstremit të djathtë.
“Është e gjitha një mashtrim”, ka reaguar zëdhënësi i Frontit Kombëtar, Laurent Jacobelli, duke folur për Sud Radio. Ai pretendoi se “nuk ka asnjë lidhje” midis Rusisë dhe partisë së tij.
Qershorin e kaluar, raportuesi i qeverisë Macron në një komitet parlamentar e kishte quajtur Frontin Kombëtar (FN, i cili më vonë u riemërua Alarm Kombëtar, RN) një “rrip transmetimi” për pozicionet e Rusisë.
