Policia njofton se një automjet tip Mercedes-Benz u përfshi nga flakët e zjarrit në autostradën Levan-Fier, pranë fshatit Mbrostar.
Automjeti ka qenë në lëvizje gjatë kohës që u përfshi nga zjarri. Drejtuesi i mjetit sapo ka parë tymin ka braktisur mjetin duke shpëtuar nga flakët.
Në vendngjarje mbërritën forcat zjarrfikëse duke bërë të mundur shuarjen e flakëve. Për shkak të ngjarjes, u krijua trafik për disa minuta në njërën anë të autostradës.
Shkaqet e rënies së zjarrit në mjet nuk janë bërë të ditura.
