Zbardhen detaje të reja nga operacioni i policisë italiane që ka vënë në pranga një 64-vjeçar, i cili ishte shpallur në kërkim ndërkombëtar për trafik droge.
Sipas mediave italiane, personi i arrestuar është Faslli Qibini, i cili ishte shpallur në kërkim që prej vitit 2011, pasi gjykata e kishte dënuar atë me 22 vite burg për trafik ndërkombëtar droge.
Sipas hetuesve, ai konsiderohet si një ndërmjetës i fuqishëm i trafikut të drogës mes Turqisë, Greqisë, Shqipërisë dhe Italisë së jugut. Ai ishte i përfshirë në trafik me Camorra-n, nga klani Di Lauro deri te “Nardielli”.
Dëshira për të dalë dhe për të blerë cigare i pavarur ishte fatale për Qibinin. Ai u rrethua dhe u arrestua teksa ecte në Corso Secondigliano.
13 vite në arrati, arrestohet “koka” shqiptare, broker i “Camorras”-s
