Arrest me burg caktoi gjykata për Dan Hutrën dhe tre të tjerët duke quajtur arrestin të ligjshëm dhe duke dhënë arrest pa afat për veprën penale tentativë arratisje. Dan Hutra mohon se ka organizuar një plan për t’u arratisur nga burgu. Para togave të zeza, vrasësi i tri grave tha se është thurur një komplot ndaj tij, sikurse raporton gazetarja Anila Hoxha.
“S’kam dashur të arratisem. Burgjet po më akuzojnë kot”, mësohet të ketë deklaruar ai. Nga ana tjetër, tre të paraburgosurit e tjerë, të përfshirë në tentativën e arratisjen nga burgu i Fierit, kanë deklaruar se ishin nën presionin e Hutrës dhe nga frika vendosën të ndihmonin në planin për t’u arratisur. “Ishim nën presionin e Hutrës, ai na kërkoi planin që të arratiseshim. Kishim një qeli përballë tij dhe kishim frikë”.
