Ish-drejtori i kompanisë Meico, Ylli Pinari, është një nga personat i cili po dëshmon në seancën e sotme ndaj Mediu për çështjen “Gërdeci”.
Pinari u shpall fajtor në dosjen e parë “Gërdeci” ndërsa rrëfeu se si kishte krijuar kontakte me Patrik Henri, përfaqësuesin e SAC, kompania qe ishte e përfshirë në demontimin e armëve.
Mësohet se në dëshminë e tij Pinari është shprehur se Patrik Henri kishte krijuar në Shqipëri kompaninë ‘Albademil’ ku ortaku ose bashkëpronari ishte Mihal Delijorgji.
“Meico nuk është përfshirë në procesin e përcaktimit të Gërdecit si vend demontimit. Fillimisht kemi pasur komunikime me e-mail. Pas shkëmbimit të informacionit Patriku propozoi krijimin e një linje demontimi. Për këtë çështje kam bërë 5 vite burg dhe kam pikëpyetjet e mia për këtë” ka deklaruar në seancë Pinari.
