Nga hetimet e policisë italiane kanë përfunduar në pranga dy shqiptarë, të cilët u kapën duke trafikuar kokainë.
Ngjarja ka ndodhur në Torino, në lagjen Madonna di Campagna.
Pikërisht në këtë zonë nga kontrolli i dy banesave, u gjetën provat që çuan në arrestimin e dy shqiptarëve, ende të paidentifikuar.
Në shtëpinë e parë kishin fshehur me zgjuarsi në zgavrën e një rafti këpucësh 1.2 kg kokainë, një peshore precize dhe material të dobishëm për paketimin e drogës në doza.
Brenda banesës së dytë u gjetën të fshehura brenda një dysheku dy mbështjellës me 1 kg 25 gram kokainë, tre peshore precize, material i përshtatshëm për paketimin e lëndës narkotike dhe një sasi e konsiderueshme parash.
Dy burrat u arrestuan. Vlera e shitjes me pakicë e lëndës së sekuestruar, sipas kostove aktuale të tregut, do të jepte mbi 120 mijë euro.
