Është gjetur pa shenja jete personi nga Istogu për të cilin familjarët dy ditë më herët kishin raportuar se është zhdukur.
Sipas njoftimit në raportin 24-orësh të Policisë të shtunën, familjarët kanë njoftuar të premten në mbrëmje se e kanë gjetur personin pa shenja jete. Vdekjen e ka konstatuar ekipi mjekësor.
Me vendim të prokurorit, trupi i pajetë është dërguar në Institutin e Mjekësisë për Obduksion, ka njoftuar Policia.
Burri ishte raportuar i zhdukur më 10 janar nga vëllai i tij.
