Pasditen e sotme në orën 17:00 do të nisë sesioni i ri parlamentar. Kryetari i grupit të PD-së, Gazment Bardhi ka reaguar pas informacioneve në media se presidenti Bajram Begaj do jetë i pranishëm në seancën e sotme plenare ku do të mbajë edhe një fjalë.
Bardhi shprehet se opozita nuk ka asnjë informacion lidhur me këtë prani të presidentit, që siç thekson shpreson të mos jetë pjesë e një skenari kundër opozitës.
Demokrati deklaron se opozita do të vijojë edhe sot aksionin në Parlament për të kërkuar të drejtat kushtetuese që sipas tij mazhoranca po ua mohon.
