Gjykata ka liruar nga qelia e burgut 50-vjeçarin shqiptar, Fatmit Terallari i cili vrau kunatin e tij 33-vjeçar Erion Pelivani pasi ky i fundit kishte abuzuar seksualisht me vajzën e vogël. Trupa gjykuese vendosi që ta lërë në “arrest shtëpie” autorin.
Pas vendimit të dhënë ditën e sotme, familjarët e autorit shpërthyen në lot dhe në duartrokitje.
Sipas mediave greke, hetuesi dhe prokurori nuk ranë dakord për rastin e 50-vjeçarit dhe Këshilli Gjyqësor në Volvos do të vendosë për këtë çështje.
Deri më atëherë, shqiptari i akuzuar për vrasjen e kunatit të tij do të jetë në arrest të përkohshëm shtëpie.
Avokati u shpreh i emocionuar për marrjen e këtij vendimi duke shtuar se me këtë vendim ndihet mirë e gjithë shoqëria greke.
”Dua të shpreh falënderimet e mia për prokurorinë dhe gjykatën për të lënë të lirë me kusht dhe kthimin pranë vajzave të tij…
Ndihemi shumë mirë pas vendimit, ashtu si dhe gjithë shoqëria greke”, tha një prej avokatëve të 50-vjeçarit.
50-vjeçari u la në arrest shtëpie pas vrasjes së kunatit, vajzat e tij shpërthejnë në lot
