Java e 20-të e Superligës shqiptare të futbollit hodhi në fushë ditën e sotme përballjen Kukësi-Egnatia.
Respektivisht vendi i parafundit në renditje me kryesuesit e ligës, dhe gjithçka shkoj në mënyrë perfektë për rrogozhinasit, duke mare një fitore 1-4 ndaj verilindoëve.
Trajneri Stavri Nica ndërroi mendje për largimin e tij nga stoli i ekipit dhe vendosi të qëndronte, pavarësisht kësaj Blutë pësouan humbjen e nëntë sezonale.
Ndeshja nisi mirë për miqtë nga Rrogozhina, që treguan dominim në lojë. Kryesuesit e Superligës shënuan tre herë në 34 minutat e para. Malota, Fernando me penallti dhe Gjata ‘vulosën’ tri pikët që në pjesën e parë, duke bërë që Nica të bënte tre ndryshime te Kukësi fill pas golave.
Pjesa e dytë solli golin e Atdhe Rashitit për Kukësin, që nuk mundi të shkonte më shumë se kaq. Në fund edhe Montenegro debutoi me gol për Egnatian, për rezultatin 1-4. Egnatia me 43 pikë mban kreun e renditjes, ndërsa Kukësi me 19 pikë pozicionohet në vendin e parafundit.
