Erling Haaland ka rrëmbyer çmimin kryesor në “Globe Soccer Awards”, në mbrëmjen gala të organizuar sonte në Dubai.
Ylli norvegjez fitoi çmimin “Futbollisti më i Mirë i Vitit”, për vitin 2023.
Haaland pati një sezon fantastik me Manchester Cityn, duke ndihmuar skuadrën angleze në triumfin historik të tripletës; titullit të kampionit në Premier League, Ligën e Kampionëve dhe triumfin në Kupën FA.
Ndërsa Cristiano Ronaldo është nderuar me tre çmime nga “Global Soccer Awards”.
Ylli portugez fitoi çmimin “Futbollisti më i mirë në Lindjen e Mesme”, si çmimin “Maradona” si “Golashënuesi më i mirë i vitit” për vitin 2023, si edhe lojtari më i votuar nga fansat.
38-vjeçari e mbylli vitin kalendarik me 54 gola, duke qenë kështu futbollisti me më shumë gola gjatë vitit 2023.
🇸🇦 “Saudi Pro League is better than Ligue1”, Cristiano Ronaldo says. pic.twitter.com/nTCfGaeA3T
— Fabrizio Romano (@FabrizioRomano) January 19, 2024
