Ish-kryeministri Berisha deklaroi pas daljes në SPAK se prokurorët që e kishin thirrur për ta marrë në pyetje i gjeti të terrorizuar. Ai u shpreh para gazetarëve se denoncoi para prokurorëve shkeljen e ligjit që ata kanë bërë për dosjen “Partizani”.
“Nuk ishte Altin Dumani, por Arben Kraja dhe Enkeleda Millonai. Pasi i pyeta pse jetoni në këtë terror kaq të madh…. Të hysh aty, nuk mund ta imagjinoni, se cfarë masash sigurie, se ka njeri kohë të merret me ata. U thash, se Sali Berisha është këtu me parimin se cdo njeri që thirret duhet të paraqitet për t’u marrë në pyetje dhe kjo ka qenë qëllimi kryesor i ndryshimit të Kushtetutës në vitin 2012, për heqjen e imunitetit.
Berisha del nga SPAK: Sa përmenda Ramën, prokurorët sa nuk u futën poshtë tavolinës
Kam ardhur t’ua them në sy, në emër të të gjithë demokratëve, të gjitha ato që prej dy vitesh kam denoncuar Edi Ramën dhe ju, si mercenar që përdoreni prej tij. Ju thash, kam ardhur të shemb piramidën e turpshme të mashtrimit që keni ndërtuar, me mashtrime dhe falsifikime, që nuk ka asnjë gjë të vërtetë, vetëm zbatim të porosisë politike. Ju, u thash si grup i strukturuar kriminal jeni angazhuar në një betejë kundër opozitës dhe u thash se do të merrni ndëshkimin e merituar” tha ai.
SPAK s’e lejon të shkojë në Parlament, Berisha: Skenar për të më djegur mandatin
