Shtyhet vendimi. Apeli i Posaçëm ka shtyrë vendimin për të enjten në orën 09:00 për ankimimin e ish-kryeministrit Sali Berisha për heqjen e masës së sigurisë “arrest shtëpie”.
“Prokurorët mbajtën një qëndrim, folëm 2 orë e gjysmë dhe ata kontestuan për 5 minuta. Do presim vendimin nesër në orën 09:00” tha Genc Gjokutaj, avokat i Sali Berishës.
Ish-kryeministri i cili ndodhet në “arrest shtëpie” prej 30 dhjetorit, ka ankimuar masën e sigurisë së caktuar ndaj tij. Kërkesa e ish-kryeministrit do të shqyrtohet nga gjyqtarja Ilirjana Olldashi.
Një ditë më parë, ish-kryeministri Berisha hyri në Prokurorinë e Posaçme për herë të parë dhe u pyet si person nën hetim për akuzën e korrupsionit në lidhje me aferën për privatizimin e ish-kompleksit “Partizani”.
