Profesori i letërsisë Agron Gjekmarkaj u shpreh mbrëmjen e sotme te “5Pyetjet nga Babaramo” se Ismail Kadare ka pasur mjaft ndikim jo vetëm në Shqipëri, por edhe në Kosovë. Studiuesi risolli në vëmendje konferencën e Rambujesë dhe ndikimin e Kadaresë tek UÇK.
“Ismail Kadare ka qenë shumë ndikues si në Kosovë dhe Shqipëri. Vepra e tij është lexuar me lupë. Më shumë se nacionalizimi agresiv, Kadare sikur e shpreh gjithmonë nuk ka shteg që të kalojë inferioriteti përballë tjetrit, që të ndihet shqiptari inferimor përballë tjetrit. Këtë e ka demonstruar me veprën, cilësinë e shkrimit dhe në këtë kontekst i ka bërë shërbime edhe çështjes së Kosovës.
Edhe përmes veprave të ndryshme, polemikave me kundërshtarët e lirisë së Kosovës apo Konferenca e Rambujesë ka qenë nga më deçiviziet për të bindur pjesën e UÇK-së për të firmosur atë marrëveshje. Ka një letër ku u drejtohet anëtarëve të delegacionit për rëndësinë e asaj firme” tha ai.
Agron Gjekmarkaj: Nobeli, politik! Kadare mund ta kishte marrë herët
Më tej, Gjekmarkaj tha se ka qenë dëshmitar i takimeve dhe bisedave mes dy kolosëve, At Zef Pëllumbit dhe Ismail Kadaresë.
“Kam qenë aty dhe ka qenë një respekt reciprok. Secili i rrinte idesë së vet duke e respektuar idenë e tjerit edhe pa qenë dakord. Kanë qenë bisedat më interesante.
Deri tek mënyra si mund t’ia mbushin gotën e rakisë njërit tjetrit. Ngjanin si dy vellezër, dy gjeni të ndryshëm, që të ndarë nga rrethana dhe një ditë e gjejnë njëri tjetrin për t’u ballafaqur me shumëçka dhe për të përkufizuar horizontin e përbashkët të tyre dhe shqiptareve” tregoi ai.
Kadare 88-vjeç, Gjekmarkaj: Unik, por nuk është produkt i traditës shqiptare