Ismail Kadare festoi 88-vjetorin e lindjes. Profesori i letërsisë, Agron Gjekmarkaj i ftuar në emisionin “5Pyetjet nga Babaramo” tha se duhet ta kishte marrë çmimin Nobel vite më parë, por në këtë pikë është penalizuar nga mallkimi i popujve të vegjël. Në vendimmarrjen për këtë çmim, studiuesi tha se ndikon më shumë gjykimi politik sesa estetik dhe letrar.
“Ismail Kadarenë më shumë se vlerësimi për cilësnë e veprës besoj se bie mallkimi që bie mbi popujt e vegjël. Nëse gjykojmë gjithë nobelistët, ka një pjesë pa kaluar në emra, që sigurisht nuk e kanë as fuqinë, as peshën, as imponimin dhe as shpërndarjen që ka pasur Kadare me veprën e tij.
Kadare mund ta kishte marrë herët, ka plot vepra. Më parë jepej çmimi Nobel për një vepër, mund ta kishte marrë me plot vepra. Mund ta marrë edhe totaliteti i veprës së vet, një enciklopedi e madhe. Por gjasat janë, rëndon më shumë gjykimi politik sesa estetik dhe letrar” tha ai.
Kadare 88-vjeç, Gjekmarkaj: Unik, por nuk është produkt i traditës shqiptare
